Lindås kommune

15.000 innbyggjarar bur i Lindås kommune – den største kommunen i regionen Nordhordland. Kommunen er også den største arbeidsgjevaren i regionen med meir enn 1400 tilsette i ulike heil- og deltidsstillingar. Lindås er ein kommune i utvikling og vekst. Vi får stadig nye innbyggjarar, og skal strekkje oss stadig lenger for å jobbe meir effektivt og levere gode, tidsriktige tenester til dei som bur og jobbar i kommunen. Fire verdiord står sentral i arbeidet vårt. Vi har lova innbyggjarane våre å vere "framtidsretta, inkluderande, tenestevillig og kvalitetsbevisst". Dette pregar dei tilsette i kommunen. Vi er utålmodige, nysgjerrige, ivrige og imøtekomande – og jaktar ny kompetanse og nye løysingar.