دِيرْ عْلاَشْ تْوْلِّي

،عزيزي السطارطابور، عزيزي المهندس، و إخواني و أخواتي اللي بغاو يدخلو لعالم المقاولة، و دارت بيهم الدنيا و ماعارفوش منين يبداو، مرحبا بيكم معانا فصفحة دِيرْ عْلاَشْ تْوْلِّي، واللي غادي تلقاو فيها أجوبة لتساؤلاتكم و نتوما كاتضحكو، و معلومات متنوعة بطريقة مختلفة و باستعمال مقاربات من الواقع ديالنا، كيف ما غادي يكونو .منشورات ديال الكوتشينغ بطريقة ساركازمية من طرف المونطور بوجمعة فكانقترحو مجموعة من الفقرات المختلفة، باش الناس اللي دايرين بالهم معانا يعرفو آش يبداو يشوفو، ماتعرف تبان ليهم شي فايدة و لا شي حكمة، ولا على الأقل، يفوجو بلا .ما يتعصبو #المونطور_بوجمعة هاد الفقرة غادي يتكلف بيها التشاتبوت شخصيا حيث هو اللي جبد علينا هاد الصداع كامل، و خاصو يكمل الخزعبلات ديالو، باش عزيزي .السطارطابور مايبقاش خارج الطريق #المهندس_المخرمز هاد الفقرة غادي يتعاونو فيها المهندسين اللي معانا فالطاقم مع التشاتبوت بما أنها كاتخص المهندسين اللي بغاو يوليو سطارطابورا ولا يدخلو المقاولة، باش كاملين نفوسخو لبعضياتنا Les Soft Skills. #ماتخاف_ماتدهش هي فقرة غادي نحاولو نبسطو فيها بعض التقنيات و المفاهيم المستعصية فعالم المقاولة و الابتكار و التحول الرقمي، باش الميساج يدوز نيشان و يبان ليك راس الخيط، .سواء كرجة وحدة ولا عبر مجموعة من الحلقات #Pause_Café هي فقرة نقدرو نحطو فيها منشورات، أو صور أو فيديوهات هزلية خاصة بميدان .المقاولة، باش نديرو استراحة ولا قيلولة و نخرجو شوية على الموضوع #فنون_تشكيلية هاد الفقرة غادي نستعملو فيها الصباغة، و هات العجينة هات هات، و الخشيبات، و اللسانيات، و الشعر الفرعوني، و الفلسفة الأفلطونية، باش نحاولو نزوقو و نترجمو محتوى بعض الفقرات السالفة الذكر، بلغة المادري، أو طاطا حنان، أو بنو عبس، أو .موليير، أو شكسبير لا حادر يرضاو علينا صحاب دعوتنا شي شوية #Karaoké هي فقرة ما عندها حتى شي هدف معين و نخليوها احتياط را الدنيا و الزمان، حتى لا .بغاو شي ناس يتعاونو معانا فهاد البيعة و شرية #حاجيتك_ماجيتك هي فقرة نقدرو نشاركو فيها ما تيسر من الذكريات الخالدة في أذهان الجيل الذهبي، مع بعض المقاربات مع هاد الزمان باش نبقاو حتى حنا ولاد الوقت و في الأخير، شكرا جزيلا على قراءتكم، و ماتنساوش تدبرو علينا ب اللايك و البارطاج و .الأرنبات و داكشي